وجهت الاعلامية ريهام سعيد، اعتذار للإعلامي طارق نور والاعلامية اسما ابراهيم مقدمة برنامج “حبر سري” بعد النجاح الكبير الذي حققه البرنامج في مواسمه المختلفة، قائلة: “الاعتراف بالحق فضيلة والاعتذار دائمًا لما يكون واجب عمره ما بيصغر بالعكس بيكبر وبيبين تربيه الواحد والحمد لله الميزة الوحيدة اللي فيا إني متربية”.
ريهام سعيد، قالت عبر منشور لها على صفحتها الشخصية بموقع “فيس بوك”، سبب اعتذارها: “من سنه هاجمت الأستاذ طارق نور عشان أسما إبراهيم فجاءة ظهرت واللي كان بيتقال إنها بتنتج لنفسها ومعرفش ده حقيقي ولا لأ ولا ده المهم.. وساعتها كانت ضعيفة بالنسبة لي جدًا إنها تحاور نجوم قامة وكبار وحسيت ساعتها إن المسألة بقت عبارة عن حد معاه فلوس فيظهر على التلفزيون”.
وتابعت: “بعد ما سنة عدت أنا باعتذر للأستاذ طارق نور اللي أثبت أن لما الاستاذ يتكلم التلاميذ تسكت أكيد كان عنده نظرة.. أسما السنة دي عاملة توليفة شاطرة أوي بين السخونة والصدق وعدم الفبركة والضحكة وإظهار الحقيقة والمهنية والمحايدة وكل حاجه حلوة.. يمكن في الأول كان في عدم خبرة ورهبة الكاميرا بس السنه دي أبدعتي”.