شن الفنان محمد فؤاد، هجوما حاداً على الفنان الكوميدي “محمد هنيدي” بسبب تصريحات الأخير التي قال فيها إن “فؤاد كان غيران من نجاحي فى فيلم “اسماعيلية رايح جاي”.

محمد فؤاد قال غاضبا فى تصريحات له الليلة خلال حواره مع الإعلامية بسمة وهبة مقدمة برنامج “العرافة”، على قناة “المحور”، وقناة “النهار”،:” أنا كنت بكتب الافيهات بإيدى عشان يضحك الناس، أنا مش بغير من حد، ولا يوجد ما أغير منه، واللي يغير من صحابه عنده نقص، الموضوع كرهني في إسماعيلية رايح جاي لأنه خلق حالة من الكرهة ولقيت حروب نجوم، لمين اللي يتم الإنتاج ليه، وغيره مقدرش أهاجم هنيدي”.

فءاد قال مستغربا :” أنا أغير منك انت يا هنيدى، عيب إتقى الله ده انت هتتسأل قدام ربنا على كل ده، أنا كنت بصحيه من النوم عشان التصوير، وهنيدى عرف الالتزام لما أنا زعلت منه عشان يلتزم”.

وقال “فؤاد”،:”إيه الجو المسمم ده، بقى يطلع منك الكلام دا يا هنيدي، يا راجل راعي العيش والملح وتعبي معاك في الفيلم، دا انا اللي خليتك تلتزم، وفلوسي حتى الآن ما أخدتهاش من فيلم إسماعيلية رايح جاي وكنت بصرف على المنتجين اللي فلسوا  وصرفت 400 ألف جنيه من جيبي”.