تصريحات جريئة أطلقتها الممثلة “منة قضالي” مساء امس في برنامج VIP مع الإعلامية أميرة بدر، عن سبب ارتباطها برجال أكبر منها سنًا مؤكدة أنه بسبب ترك والدها لها، حينما كانت طفلة.

وقالت منة فضالي فى تأثر : “كنت بدور على الارتباط اني ارتبط بناس أكبر مني سنًا، وكنت بدور على الأب في علاقاتي، وكنت مرتبطة بناس أكبر مني بـ 30 سنة، وبطلت دلوقتي أدور عليه، وعندي عماتي بيسألوا عليا وأعمامي بيكلموني طول الوقت ولكن مبنتقابلش باستمرار، وعندي عمة مفضلة بحبها، وعندي أخوات مسافرين برا مصر، وأخوات معرفش عنهم حاجة”.

وتابعت :” شفت والدي لأول مرة وأنا عندي 21 سنة، وجالي عريس وقعد معاه وكان العريس عايش في أوروبا، وقالهم خدوها ومش عايز منكم أي حاجة واحنا بنشتري راجل، وقال لأمي هما بيحبوا بعض وخلينا نخلص، ولما العريس حكالي قولتله مستحيل بابا يعمل كدا، قالي لأ قالي كدا، مستحيل أب يعمل كدا”.

تابعت منة فضالي : “لما بتفرج على فيلم أو مسلسل وبشوف مشاهد عن الأب بعيط، وأنا شخصية حساسة وكل حاجة بتأثر فيا، ومبحسش اني عايزة أكلمه، هو ميعرفش عني حاجة ده بابا ناسي عيد ميلادي، عمري ما حسيت انه عنده مشاعر تجاههي”.

كشفت الفنانة منة فضالي إنها إذا قررت الزواج مرة أخرى، لن تنظم حفل زفاف قائلة: “لبست أكثر من 30 مرة فستان عروسة في التصوير”.