فى معرض ردها على مؤدي المهرجانات حسن شاكوش، قالت المطربة شذى، لأ حسن شاكوش بعد كلامه مع الإعلامية بسمة وهبة في برنامجها “العرافة” أنه لا يعرفها ولا يعلم أنها مغنية.
كتبت شذى عبر صفحتها على موقع التواصل الإجتماعي “فيسبوك” قائلة: “طب انت مستفز يا شكشك بدل كلمه مستفز بتعصبك و دكتوره بسمه وهبه علشان هي ست شيك قالتلك شذى فنانه زميله علشان تجبر بخاطرك بس الحقيقه أنت لا فنان و لا زميل بالنسبالي خالص أنت مؤدي و بالنسبالي صوتك مزعج انما فنان زميل دي انا اعترض عليها بشده و دي الحقيقه بس علشان دكتوره بسمه مؤدبه و انت ضيفها مقلتلكش الحقيقه”.
وقالت شذى:” وأصلا مينفعش تسأل مين دي مش علشان لازم تكون عارفني بيني و بينك اريح لو متعرفنيش وتعمل الشويتين بتوع ااااااه عارف اسمها ومش عارف اغانيها و مال شكلها اتغير كده ليه و جو 3 ورقات ده لان الرد موجود ما انا او محدش فاكرني و لا عرفني مش هيجيبوا كلامي و يعرضهولك يا جاااااهل”.
وأشارت شذى عن أسماء أغاني المهرجانات:” و اصلا اسماء الاغاني اللي انت قولتها دي تتكتب على تكاتك متعملش فيها بيتهوفن والنبي و مش معنى ان في هيصه الفتره دي على اللون ده ان انت واللي زيك صناع المزيكا في مصر ابدا والله انتوا فاضحنا في العالم كله بردائه المزيكا اللي بتقدموها”.
اختتمت شذى: “وعموما وعمليا ردك ملهوش دعوه خالص بالسؤال ولا فهمت منك حاجه ومش عيب انك تحضر قبل الحلقه عفوي و على طبيعتك دي لما تكون قاعد على مصطبه او واثق في ردودك الذكيه المنطقيه اللي هي مش موجوده اصلا ف إبقى حضر بعد إذنك علشان بدوخ المذيعين معاك..ملحوظه الجاكت اللي كنت لابسه حريمي يا فنان”.
