شن مغني المهرجانات حسن شاكوش هجوما حاداً على زملائه من الفنانين الذين لم يحضروا حفل زفافه فى الاسبوع الماضي، وأيدى شاكوش غضبه الشديد ممن تجاهله ولم يحضر حفل زفافه قائلا عبر حسابه على الإنستجرام عبر فيديو مصور له :” الدنيا دوارة .. واللي مجاش فرحي محطوط في القايمة السوداء وهو عارف نفسه ، أنا بعذر كل الناس اللي عندهم ظروف أو تصوير، لكن اللي مجاش وهو كان قاعد فاضي مش هنروح من بعض بعيد، في ناس عزمتها على الفرح مذيعين ومجوش ولما الفرح عمل تريند يكلم إدارة أعمالي عشان أطلع معاه حلقة، أنت عبيط ؟”
شاكوش قال عبر حسابه الشخصي على السوشيال ميديا :” أنا طالع النهاردة عشان أشكر كل النجوم اللي جاتلي الفرح أشكر كل نجم شرفني في فرحي وأولهم النجم تامر حسني، على المستوى الشخصي أنا وتامر إخوات وأنا من معجبينه، وبشكر النجم الكبير حمو بيكا والنجم الكبير عمر كمال والنجم الكبير أحمد باتشان والنجم الكبير عم أحمد شيبة ومحمود الليثي والنجم رامي صبري، شرف ليا وجودة والنجمة وفاء عامر وهنادي مهنا وراندا البحيري وماجد المصري”.
